Sospechoso detené pa asesinato kriminal Pronk

3009
detenshon sospechoso (28) pa asesinato kriminal Pronk (60)
DELFT—Polis a detené un sospechoso di 28 aña relashoná ku e tiroteo fatal kaminda kriminal Pronk a fayesé.

E hòmber di Delft a keda detené djarason segun polis. Testigunan ku a mira e tiroteo a bisa ku nan a mira un outo kore bai. E outo aki a keda para riba Insulindeweg pa polis. E sospechoso tabata tras di stur, a keda detené pa interogashon. Pronk (60) di Nootdorp a keda asesiná djamars mainta riba teras di un café den Kalverbos. El a haña reanimashon di personal di ambulans, pero a bin fayesé despues. Pronk a keda kondena na 20 aña kastigu den 1991 relashoná ku asesinato di un komersiante di Rijswijk. El a hui dos biaha ku violensia for di prison kaminda el a sekuestra personal di vigilansia. Kuijpers pa años tabata abogado di Pronk. E tabata di shòk ku e notisia pasobra segun e Pronk pa basta tempu a baha ku penshun.