TRNDZ ta nòmber di e banda nobo di Michelangelo Martina

158
Esaki ta e logo di e banda nobo.

WILLEMSTAD,—-Fin di sèptèmber farándula di Kòrsou, ta bai sera konosí ku un agrupashon musikal nobo. Ta trata aki di un formashon musikal di 6 músiko ku ta kla pa bai brinda Kòrsou bon músika moderno varia pero pa e kultura.

Nòmber di e banda nobo ta TRNDZ, i den e formashon musikal tin komo kantante Michelangelo Martina ku ta eks kantante di agrupashon musikal Y.M.G. Algun siman tras di lomba den un entrevista ku Michelangelo, el a bisa nos ku e momentu a yega pa otro reto den su karera musikal.

‘E Mulina’, djaluna tras di lomba a haña informashon ku den e diskotèk Chocolate Night Club Curaçao, ku ta situá riba Winston Churchillweg. Tin un banda nobo ta ensayá, mes ora nos a move na e sitio en kuestion, i en bèrdat nos dal den e bèrdat.

Loke ku nos por bisa ta ku e banda nobo ta zona bon, nos a para tende algun piesa i mester bisa ku nan ta hopi varia i moderno. Na e sitio mes nos a haña konfirmashon ku fin di sèptèmber e banda ta debutá den nos farándula, tambe nos a tuma nota ku e kantante Michelangelo Martina tabatin un smail grandi riba su kara.