Bryce Harper a keda for di aliniashon ayera pa Washington

94
Bryce Harper a keda for di aliniashon ayera pa Washington.
WASHINGTON – Bryce Harper a keda saká for di e aliniashon di Nationals ayera, por sierto e último wega di e seri di Washington kontra di Braves debí na un doló pèrsistente na su pia rèks. Michael Taylor ta esun ku a remplasá Harper den sènterfil komo number 7 den e órden di bateo.

Harper a ser gòlpiá pa un lansamentu na su bèl di pia drechi djárason anochi, den e di ocho inen di e derota di Nationals kontra di e ekipo di Atlanta. Despues di un breve pousa, e kañonero a permanesé den e partido, pero a deklará di a sigui sinti doló despues di e enkuentro.

Harper a konekta su di 28 homerun djárason. Despues di e sosiegu di wega di tur strea, e outfilder lenks ta batiendo pa un promedio di .339, ku un porsentahe di embasá di .447 i un slugging di .677 kombiná ku seis doblete, sinku homerun i 17 kareda empuhá. Harper ta un piesa klave den e ofensiva di e ekipo Washington Nationals.