Devin Harris ta bolbe bèk Mavs pa di tres bia

98
Devin Harris ta bolbe bèk Dallas Mavericks pa di tres bia.
DALLAS – E ekipo Dallas Mavericks resientemente a anunsiá e akuerdo ku e hungadó veterano di 14 temporada Devin Harris. Su akuerdo ta pa e mínimo di un hungadó veterano.

Dallas originalmente a atkerí e servisionan di Harris for di e ekipo Washington Wizards, huntu ku Jerry Stackhouse i Christian Laettner, den un interkambio pa Antawn Jamison na yüni di 2004. Harris a militá den Mavericks te na momentu ku e la ser kambia pa New Jersey na febrüari di 2008, den un akuerdo unda Jason Kidd a djòin e ekipo di Mavericks.

Harris primeramente a bolbe Dallas komo agente liber promé ku e temporada 2013-14, i a keda te na momentu ku Mavericks a kambi’é pa e ekipo di Denver na febrüari último, komo parti di un akuerdo di tres ekipo riba e fecha límite di kambio. Harris, di 35 aña di edat, tin un promedio di 11.1 punto, 4.1 asistensia i 1.1 robo den su 917 enkuentro durante su karera, inkluyendo 446 apertura.