E pelotero mehikano Japhet Amador suspendé na Hapon

122
E pelotero mehikano Japhet Amador suspendé na Hapon pa seis luna.
TOKYO – E pelotero mehikano Japhet Amador resientemente a keda suspendé pa un periodo di seis luna den e beisbòl profeshonal di Hapon pa un kaso di dopahe. Amador tabatin un periodo sin mira akshon (for di 3 di ougùstùs) debí na dolónan apdominal.

E pelotero di 31 aña di edat a tèst positivo pa e sustansianan prohibí ‘clortalidona’ i ‘furosemida’, segun NPB (Nippon Professional Baseball ) a publiká ayera. Ámbos sustansia ta keda apliká pa tratamentu di preshon haltu. E tipo di sustansianan aki ta prohibí netamente pa e echo ku nan por ser usá ku e meta pa enkubrí e presensia di sustansianan ku ta mehora rendimentu i e sirkulashon sanguinio.

Amador ta ninga di a konsumí algun sustansia prohibí di forma intenshonal durante un oudiensia na luna di yuli último, pero a disidí ku e no ta apelá e resultadonan di e kontrol realisá. Den 62 enkuentro ku e ekipo di Rakuten Eagles (eks ekipo di Andruw Jones) e temporada aki, Amador tin un promedio di bateo di .269 ku 20 homerun.  Amador a djòin e ekipo di Eagles na 2016, un aña despues di a liderá e liga mehikano di beisbòl den homerun konektá.