Visser ta finalisá na di kuater lugá den e kampionato oropeo

62
Nadine Visser hopi desapuntá ku e di kuater lugá den 100 meter ku opstákulo.
BERLIN – Debí na un leshon di ‘hamstring’ i un sla kontra di un di e opstákulonan durante su preparashon pa su partisipashon na e kampionato oropeo di atletismo na Berlin, tur se soño di logra medaya a disparsé.

Apesar di e kontra tempunan aki e strea kresiente Nadine Visser a bai tur ku tin pa logra medaya di oro. Despues di a finalisá na di kuater lugá den e final di 100 meter ku opstákulo, Nadine tabata remarkablemente desapuntá. “Ami no por komprondé.” E di kuater lugá no ta aseptabel pa e atleta. “Mi sa ku mi ta dispone di e tempu ganadó”, asina un Visser desapuntá a komentá, despues di a registrá un tempu di 12,88 sekònde na di kuater lugá.

“Mi tabata sinti mi hopi bon i dje sigur ei, pero e parti di kalentamentu ta un kos i e kareda mes ta otro. Esaki sigur no a bai nada bon.” Visser mester a mira kon e atleta di Belorusia Elvira Herman (12,67) a selebrá e título máksimo. Meskos e aleman Dutkiewicz (12,72) i Cindy Roleder (12,77) kendenan tabata mas velos kuné i a optené e medaya di plata i bròns respektivamente. E final aki a kuadra si ku su preparashonnan, pero no ku su soño nan.

Tabata den e temporada aki mes ku Visser, na dos okashon, a mehora e rèkòrt nashonal ku dos désimo, kual tabata riba nòmber di Marjan Olyslager, i a konkista medaya di bròns durante di e kampionato mundial. Tur kos tabata indiká ku e lo a konkista medaya na Berlin, pero lamentablemente esaki no tabata e kaso pa Nadine Visser.