Dos tiroteo den Etten-Leur

48
polis na un dje kasnan na Etten-Leur
ETTEN-LEUR—Den anochi di djasabra pa djadumingu dos hòmber a keda heridá na dos diferente adres na Etten-Leur.

Nan a keda transportá pa hospital ku ambulans, un di nan ta grave segun polis. E dos sitionan di insidente ta 750 meter for di otro. Investigashon di reshershi ta mustra ku e dos tiroteonan ta relashoná ku otro. Loke no ta kla si e víktimanan tabata pafó ora bala a alkansá nan òf nan a kore bai paden. Polis a detené 4 hende, bou di kua e dos viktimanan. E sospechosonan mes a hui. Servisionan di emergensia a haña melding alrededor di 3:45 di un persona herida na Havik. Djis despues polis a haña melding di un tiroteo na Putter. Inisialmente tabatin konfushon riba e dos kasonan pero na yegada agentenan a konstatá kun a tur dos adres tabatin un herido. Na Putter a haña dos persona mas, tur a keda detené pasobra nan relato no tabata kuadra.