Kantidat rèkòrt di dianan kalor

48
mas di 50 dia riba 25 grado
DE BILT—Den 2018 Hulanda a registrá un kantidat rèkòrt di dianan di zomer ku ta mínimo 25 grado den 50 dia.

Servisio meteorologiko a midi 25 grado selsio pa 51 dia di 2018 kaba. Djadumingu KNMI a midi 25,4 grado. Den 2006 tambe a midi 51 biaha un dia di verano pero esaki tabata pa henter e aña, segun Weeronline. Pues 2018 mester di un dia mas asina pa kibra e rèkòrt. Esaki posiblemente lo ta djárason òf djaweps, ku ta pronostikando alrededor di 25 grado. Mas lat den ougùstus ku sèptèmber tambe lo tin dianan di zomer ainda. Normalmente henter un aña tin 26 dia ku temperaturanan riba 25 grado. E aña aki ya esaki ta dòbel. Den 2006 a logra 51 dia ku 25 grado te den sèptèmber. E gran kantidat di dianan kayente a keda okashoná pa olanan di kalor. Di 15 te 27 yüli tabata kayente riba 25 grado tur dia, tambe di 29 yüli pa 7 ougùstus. Prinsipalmente den mei ku yüli a midi mas tantu dia di zomer ku normal.