Mañan sentensia den kaso Dubnium

192
WILLEMSTAD,– Korte den promé instansia lo dikta sentensia mañan den e kaso Dubnium, unda den e kaso aki tin 4 sospechoso.

E sospechoso mas importante ta Jacinta Constancia kende tabata Minister na momentu ku e proyekto mester a inisiá. Ta trata aki di un kaso ku a kuminsá investigá for di aña 2013, unda awor a presentá esaki den korte.

Scoop kende tambe lo mester skucha sentensia.

Den e kaso aki tambe tin Anbertus Scoop, Gianni Benschop i Annaliza Mathilda. E sospechosonan a presentá na tratamentu di e kaso ku nan abogadonan, unda Ministerio Públiko tabata fuerte di nan rekisitorio, miéntras tambe e abogadonan a pleita pa nan kliente.

E sospechoso Constancia tabata hopi habrí den sala di korte, unda el a konta su bida miéntras tambe el a bisa kon segun e tur kos a bai. El a ninga di sa algu di e plaka ku a Sali for di kaha di gobièrnu, unda esaki a subi diferente kuenta bankario personal i bai disparsé.

Tur esaki despues ku a inisiá ku un proyekto di Mondjkapjes, unda na e okashon aki kier a kumpra esakinan for di eksterior. E hòmber Benschop kende lo mester a pone su negoshi disponibel, unda na e okashon aki a pasa plaka riba e kompania Li Mei Wie, kual a resultá di ta nòmber di frei di Scoop na China.

Tambe a bin dilanti den e kaso aki ku Scoop a pasa plaka riba vários kuenta bankario, unda despues el a lanta plaka for di vários kuenta. E sospechoso Constancia a bisa ku e no sa nada di e plakanan aki, unda tambe el a bisa ku nunka el a skibi karta i tampoko a firma esaki.

Mr. Out kende a representá Ministerio Públiko.

El a bisa ku ta Scoop i Mathilda mester ta esnan ku a plania tur e kos aki, hasiendo mal uzo di nan poder. Jacinta kende ainda ta kasá ku Anbertus a bisa ku e hòmber a kobr’e 25 mil florin antiano, pa firma e divorsio.

Tambe Constancia a bisa ku a hasi investigashon pa sa di unda e mail ku a yega serka Benschop a bin, unda a bin saka afó ku e mail aki a bini for di un provedor Flow, kual mesora el a anjadi ku e no ta uza e provedor aki. El a bisa ku su trahadonan i tambe su kasaa tabata dispone di su kodiko di seguridat, unda el a bisa ku nan a hasi esaki ku su mail.

Den e kaso aki Ministerio Publiko a konta ku fiskal mr. Out ku a bisa ku 40 mil mondkapjes mester a bin Kòrsou, despues ku un  total di 365 mil florin antiano a Sali for di kaha di salubridat via di BZV. E sospechoso Constancia a remarká ku Mathilda tabata traha pe temporada e tabata minister, unda e tabata konfia den dje.

Mathilda mes a splika ku ta Constancia a bin ku e idea di Mondkapjes, unda den un reunion ku a tuma lugá na Boogjes, el a pone nan na altura di su idea. Fiskal a añadí den e kaso aki ku ta Scoop i Constancia a plania tur kos, unda tambe el a bisa ku tin kastigu haltu pa e echo aki.

El a pidi un kastigu di 34 luna di prizòn pa Scoop, miéntras el a pidi mesun kastigu pa Constancia. Tambe el a pidi pa Contancia keda for di gobièrnu pa 5 aña. Pa e hòmber Benschop kende  mester tabata kómplise den e kaso, fiskal a hasi un petishon di 15 luna di prizòn inkondishonal.

Pa loke ta trata e dama Mathilda fiskal a pidi pa deklar’é liber di tur akusashon, mirando ku no a haña prueba pa kastig’é. Mañan lo dikta sentensia den e kaso aki, unda tambe tin ku añadí ku Ministerio Públiko a inisiá ku proseso pa konfiská e plaka bèk.

…………………………………………………………………………………….

Hòmber nan sospechoso den atrako ‘Ride For The Roses’  dilanti wes

WILLEMSTAD,– Korte den promé instansia lo inisiá ku tratamentu di e kaso unda di dia kla a atraká fundashon ‘Ride for the Roses’.

Tur esaki despues ku 17 di yanüari tras di lomba 2 hòmber mester a presentá riba sitio di parker Orco Bank, unda a bai ku un tas ku tabata kontené plaka kèsh. Den e kaso aki a detené tur 2 sospechoso, unda nan lo mester presentá mañan den sala di korte pa promé biaha. Ta trata aki di Giorman Sambo, miéntras Sandy Daal tambe lo mester presentá. 2or di mèrdia lo inisiá ku e tratamentu di e kaso. Ta trata aki di e sospechoso Sambo di 21 aña, miéntras e otro hòmber tin 23 aña. E hòmber Sambo lo konta ku su abogado Scheperboer-Paris, miéntras Daal lo konta ku abogado mr. Smeulders.