Bùs ta pèrdè dak pasando bou di brùg na New Jersey

408

 

ESTADOS UNIDOS – Un bùs a pèrdè su dak tratando di pasa bou di un brùg na Newark, New Jersey, lagando vários pasahero heridá atras.

 

E suseso a tuma lugá den oranan di djadumingu anochi na e kaminda di stashoná di Penn Station di Newark, den un bùs ku tabatin bini for di Washington pa New Jersey i ku tabatin un total di 50 pasahero abordo.

 

Segun a keda indiká pa diferente medionan di komunikashon di e pais, danki na Dios esnan heridá no tabata heridá di gravedat.

 

E bùs tabata di e kompania di Liberty Coach, basá na Pensilvania. Un bosero di e empresa a ninga di duna deklarashon na medionan di komunikashon ku a drenta den kontakto ku nan.

 

E pasaheronan ku tabata abordo a nara ku tabatin un momentu i situashon di teror durante e aksidente di tráfiko. Otro a indiká ku e tabata drumí i tabata e sla i zonido duru loke ku a pone ku el a lanta for di soño i mira vários pasaheronan kompletamente na sanger.