Minister Girigorie: No tin sèn mas pa paga overtaim

1776
Willemstad,– Pa loke ta trata SDKK minister Girigorie ta bisa ku nan a dal un stap pa loke ta overtaim. E ta bisa ku akinan lo kambia roster i lo splika kada trahadó ki ora nan tin ku traha, pero naturalmente mester kana diferente trayekto pa e ta efektivo. Ku partisipashon di trahadónan lo mester sali afó. E ta bisa ku ta mas ku klaro ku e parti di kontròl ta masha importante, paso tin hende ku den pasado nan mes ta pone nan overtaim i ta pone mas ora di loke nan a traha, pero entretantu a kambia e sistema i no ta nesesario pa traha tantu ku overtaim mas.

Minister Girigorie ta bisa ku e kambio di roster ku maneho a prepará lo mester yuda baha e kantidat di overtaim drástikamente. Kasi 10 aña pasa ya tabatin algu den e  direkshon aki planeá. E intenshon pues ta  pa baha e kantidat di overtaim.

Minister ta bisa ku bo ta keda ku bo kurason karga ora ku bo tende di sierto problemanan spesífiko. E ta bisa ku e sa ku no ta algu dushi, pero no por a presentá un otro realidat na e sentro. “No tin sèn mas pa paga overtaim.