Fransia ta lidera e klasifikashon Mundial den e sistema nobo ku puntuashon ta keda konta pa FIFA

106
Fot fransia: E selekshon di Fransia kampeon di Mundu na Rusia 2018 ta lidera e ranking Mundial pa loke ta klasifikashon di FIFA despues di djeseis aña.
 

ZURICH, -E selekshon di Fransia kampeon di Mundu na  Rusia 2018 ta lidera e ranking Mundial pa loke ta klasifikashon di FIFA despues di djeseis aña, tur esaki danki na e fórmula nobo di puntuashon aprobá na yüni último.

E kambio a bini riba Konseho di FIFA, i na unda  Spaña ta figura na e di nuebe puesto.

E modelo aki ta basa riba “optellen i aftrekken” di puntonan total previo di kada selekshon na lugá  di establesé  un promedio durante un periodo di tempu konkreto manera tabata sosodé ántes.

Entre novedatnan nobo ta destaká ku e selekshonnan inaktivo ta mantené nan puntuashonnan ya ku e partidonan ya hunga no ta pèrdè balor. No opstante e  fórmula ta penalisa pèrdè òf empatá kontra di rivalnan mas débil eksepto dje  enfrentamentunan den rontnan di eliminashon dirèkt den e kompetishonnan grandi, manera un Mundial.

Asina ta ku e modelo a provoká vários kambio den klasifikashon den luna di ougùstùs. Fransia ta lidera e klasifikashon, porsierto un promé puesto ku e no a okupá for di mei di 2002.

Sinembargo Fransia ta bentaha ku solamente tres punto e selekshon di  Bèlgika, di kua na number tres den e  Mundial di Rusia. Brasil ta siguinan huntu ku Kroasia ku ta e supkampeon di mundu, na di kuater lugá porsierto e mió puesto den su historia ku e no logra for di yüni  2013.