Torres a skor i ganá Iniesta na Hapon

68
Fot iniesta: Sagan Tosu di Fernando Torres a imponé riba Vissel Kobe di Iniesta ku skor di 3 – 0, ku un gol di "Niño" Torres den e promé duelo entre e dos ekiponan nipon, despues dje yegada di e hungadónan spañó na e pais asiátiko.
 

TOKIO,  – E ekipo Sagan Tosu di Fernando Torres a imponé ayera riba Vissel Kobe di Iniesta ku skor di  3 – 0, ku un gol di  “Niño” Torres den loke tabata e promé duelo entre e dos ekiponan nipon,  despues dje yegada  di e hungadónan spañó na e pais  asiátiko.

Apesar di e enorme ekspektativa ku a lanta  pa lokual ta presensia di ámbos riba kancha, ningun dje dos eks futbolistanan di “Furia Roja” no a sali for di komienso den nan respektivo  ekiponan pa loke tabata e oktavo final dje Kopa Emperador  di Hapon disputa den e lokalidat di  Tosu (zùitost).

Torres i Iniesta di kende ta e dos kontratashonnan strea dje liga di zomer den  J-League, tabata warda nan oportunidatnan riba banki dilanti di  24.000 fanátiko den  Stadion di Tosu.

E ekipo lokal a bai dilanti den final dje promé tempu danki na un outogol di Watanabe, miéntras ku nan a logra di amplia e bentaha 2-0 pa medio di  Anzai despues di reanudashon dje di dos mitar.

Tur e kosnan ariba menshoná a pone ku e tékniko dje ekipo bishitante , Takayuki Yoshida, a duna e entrada na Iniesta, porsierto ku e mesora a tuma mando dje ekipo di Kobe,  i a kuminsá ofresé un kambio den ekipo ku hungadanan di takonsito i otro pasenan magistral na su kompañeronan.

“Niño” di su banda a sali riba kancha na di 60 minüt bou di un gran aplouso, na unda e tambe e la parti vários skeins  i driblingnan serio, meskos tambe e la mustra ku e tabata hopi aktivo den atake di su ekipo.

E eks delantero di Atlético de Madrid i selekshon (Kòrá) a logra hasi e partido 3-0 di kua tabata e skor definitivo tambe dje partido, miéntras ku den mesun rosea e la logra di skor su promé gol na Hapon.

Iniesta i ami ta bon amigu, nos a hunga huntu  for di ora nos tabatin  15 aña. Ami ta kere ku e ta e mió hungadó  spañó di historia, i mi ta felis ku e tambe ta na Hapon”, asina Torres a duna di konosé ora nan a puntr’é di su eks kompañero den  “Furia Roja”.