Vieccha Signora ke hasi negoshi ku Real den winter

64
 

TURIN,  – E ekipo italiano Juventus ta spera ku den yanüari próksimo na por hasi un negoshi di kambio ku ekipo di Real Madrid.

E ekipo blanku tin deseo grandi di atkerí e brazilero Marcelo den su filanan, aunke e inisiativa a bini for di su yave klave, Cristiano Ronaldo.

Apénas algun  dia dje kontratashon di Cristiano pa Juventus, ku ya e portugues a pidi pa e ekipo italiano hasi otro esfuerso ekonómiko riba e merkado di traspaso.

 

E hungadó ku Cristiano lo a pidi su presidente nobo Andrea Agnelli, pa su eks kompañero di kamerin Marcelo.

Segun medionan di komunikashon e deseo di e portugues ta e hecho ku e kompartí kamerin ku un di su kompañeronan mas kerí, i esaki e la trese dilanti pidiendo nan pa trese e brazilero na Turin.

Na e otro banda dje medaya Real Madrid no tabata ni kontemplá pa pensa di laga e linkshaf  titular di Santiago Bernabue bai.

Es mas  Marcelo tin kontrakt te ku 2022 i den su kontrakt e tin un klóusula di 180 mion euro den kaso di un  traspaso.

Pero awor ta bini un kos nobo den e situashon pa loke ta Marcelo. E potente ekipo italiano ta spera ku nan por konvensé e ekipo spañó pa kambia  Marcelo pa Alex Sandro den e winterstop próksimo.