Minister Martina: Proyekto Micro Fiansa lo yuda ekonomia di pais

1450

Willemstad,– Relashoná ku e proyekto di Micro Fiansa, minister Steven Martina a splika ayera ku aktual gobièrnu ta kontentu kaminda e proyekto ta na e momentunan aki.

E titular di ekonomia ta bisa ku ta trata di un proyekto pa stimulá bo hendenan pa start nan propio negoshi. Steven Martina ta bisa ku pa kuminsá bo propio negoshi bo mester di e parti di finansa i bo mester sa kiko bo kier hasi i ku ta p’esei e proyekto aki ta bon paso promé bo haña e parti di finansa bo ta pasa den e proseso di trenen pa yuda bo di manera ku bo por manehá bo negoshi ku mas éksito.

Señor Martina ta bisa ku Ministerio di ekonomia ta duna su sosten total paso e ta kere ku esaki sigur ta un bon proyekto ku lo kontribuí grandemente na nos ekonomia.