Pogba: “ Barça? Ken sa kiko ta bai pasá próksimo lunanan”

61
Fot paul: Paul Pogba aktualmente ta konsentrá ku e selekshon franses ku ta bai disputa e partidonan di UEFA Nations League, na unda nan mester bai enfrentá e selekshonnan di Alemania i Hulanda. Pogba a laga posibilidat habri pa un posibel kambio pa Barcelona.

BERLIN,  – Paul Pogba aktualmente ta konsentrá ku e selekshon franses pa asina bai disputa  e partidonan korespondiente na  UEFA Nations League, na unda nan mester bai enfrentá  e selekshonnan di Alemania i Hulanda.

Tabata akinan ku nan puntr’é pa e posibilidat  di firma ku Barça,  na unda e franses a laga porta habri pa kualke  spekulashon den futuro.

“Ken sa kiko ta bai pasá den e próksimo lunanan”, asina Pogba a duna di konosé.

“Akualmente mi futuro ta den Manchester United, sigur te na winterstop.  Ainda mi tin un kontrakt ku ekipo aki i ta einan mi ta aktualmente, pero ken sa kiko ta bai pasá den e último  lunanan”.

Esakinan tabata e palabranan di e mediokampista  franses riba e pregunta pa e interes riba FC Barcelona.

“ Tin kosnan kumi por papia i tin kosnan mi no por, paso si mi hasié lo mi keda sanshoná”, asina  Paul Pogba a bisa algun dia pasá pa asina  manifestá  ku no ta sintié nada kontentu den e ekipo di Manchester United. Su deseo ta di bandoná e ekipo mas lihé ku ta posibel.

Segun e report’é, ‘Mou’ a pidi Pogba pa e stòp di publiká su kehanan di inkonformidat, i tambe ku e si e ke bandoná e ekipo di nobo e pidi un transferensia.

For di algun luna atras  a keda publiká ku e relashon entre e manager i e hungadó ta kompletamente kibra.

E relashon malu ku e ku tin aki ku Jose Mourinho ta e motibu prinsipal pa su salida, ya ku e propio hungadó a duna di konosé ku su relashon ku e manager aktualmente ta estriktamente profeshonal so.