United ke defensa kampeon di mundu

35

 

MANCHESTER,  – E internashonal franses/spañó, Lucas Hernández, parse ta riba e radar dje ekipo di  Manchester United manehá pa e manager, Jose Mourinho. 

No mas ku algun dia pasá e linkshaf  tabata den  “spotlight” na unda e la duna su faborito pa ganá Bala di Oro, di kua no ta den tres finalistanan.

“Griezmann  meresé e Bala di Oro promé ku tur, p’ami e ta e faborito. E la destaká den tur kompetishon e  aña aki”, asina  Hernández a duna di konosé.

“Mbappé a skor algun gol fabuloso den  Mundial, pero ku su hubentut  e tin oportunidat di ganá hopi bala Bala di Oro mas den futuro.

“Ta e aña di Griezmann”, asina Hernández a duna di konosé algun dia pasá.

E defensa kampeon di mundu ku e selekshon di Fransia  ku aktualmente ta hungadó di  Atlético Madrid, tin un klóusula di kompra den su kontrakt di ochenta mion euro.

Fot lucas: E internashonal franses/spañó, Lucas Hernández, parse ta riba e radar dje ekipo di  Manchester United manehá pa e manager, Jose Mourinho.