Dave Martínez lo bolbe bèk na mando di Nationals den 2019

55
Dave Martínez lo bolbe bèk na mando di Nationals den 2019.
WASHINGTON – E mènedjer di e ekipo Washington Nationals, Dave Martínez lo ta bèk na kabes di e ekipo pa loke ta e temporada 2019, segun e propio gerente general Mike Rizzo a deklará resientemente.

“Mi no a konsiderá niun otro senario”, asina Rizzo a kontesta na momentu ku a puntr’é si Dave Martínez mes lo ta bèk pa e temporada 2019. E ekipo di Nationals, ku ta kompitiendo pa un di tres título konsekutivo di e División Ost di e Liga Nashonal, te ku ayera djaweps tabatin un rèkòrt di 69-71, na 7 1/2 wega tras di Atlanta ku ta e lider i ocho wega atras pa loke ta e komodín.