Nike a presentá nan propaganda ku Kaepernick komo naradó

207
Nike ayera a presentá nan propaganda ku Kaepernick komo figura prinsipal.
PHILADELPHIA – Nike ayera a presentá su anunsio di televishon (propaganda) nará pa e hungadó di NFL Colin Kapernick, durante di e enkuentro inougural di e temporada di NFL, meskos tambe durante e transmishonnan di US Open i otro susesonan deportivo.

E propaganda di un durashon di dos minüt, ku a ser revelá for di djárason ta mustra otro deportistanan, inkluyendo e basketbòlista LeBron James i e tenista Serena Williams. Esaki ta abordá e kontroversia relashoná ku e hungadónan di NFL, kendenan a protesta kontra di e abuzunan polisial i e desigualdat rasial na Merka prinsipalmente, hinkando rudia durante interpretashon di e himno nashonal promé ku e enkuentronan tuma lugá.

Kaepernick, e promé hungadó ku a realisá e tipo di protesta aki, ta nara henter e anunsio, pero ta aparesé den esaki te na mitar di esaki. E kámara ta ta hasi un desplasamentu pa aki mustra e kara di e ‘quarterback’, miéntras por opservá e refleho di e bandera di Merka riba e fachada di un edifisio tras di dje. “Kere den algu, inkluso si esaki ta nifiká sakrifiká tur kos”, asina Kaepernick a deklará.

Na komienso di e anunsio, e hungadó ku por sierto niun ekipo di NFL tabata ke kontratá for di algun temporada kaba a deklará lo siguiente: “Si hende bisa bu ku bo soñonan ta un lokura, si nan hari loke ku bo tin pensá di hasi, tremendo. Sigui asina, pasombra loke ku e hendenan ei no por komprondé ta ku konsiderá un soño un lokura no ta un insulto sino un kòmplimènt”. E eks mariskal di kampo di e ekipo 49ers ta revelá su mes komo narado di e propaganda na final di esaki.