Problema di glubs entre Canelo Álvarez i Gennady Golovkin ta tras di lomba

108
Fot canelo: Finalmente e glupsnan di e bòksdó mehikano, Canelo Álvarez, lo no ta “No Boxing No Life” sino Winning.
 

LAS VEGAS,  –  — E polémika ku a dominá e siman aki den mundu di bòkseo ta glupsnan ku e bòksdó mehikano, Canelo Álvarez, lo kera uza den e pelea kontra di Gennady Golovkin, aunke segun tur kos ta indiká esaki ta tras di lomba.

E desishon ta asina sigur ku  e Komishon  Nevada ya tin e konosementu di e glupsnan ku ta bai keda usa pa mehikano komo e  kazaho dia 15 di sèptèmber próksimo den T-Mobile Arena.

Di akuerdo ku fuentenan yega na e situashon, e glupsnan di boksdonan lo a yega djaweps na e Komishon estadounidense, esta ku 9 dia promé ku e pelea tuma lugá.

E glupsnan di  Canelo lo no bai ta  No Boxing No Life manera e tabata ke pero esunnan di  Winning, manera  la uza den e promé pelea na unda nan a keda empatá riba e karchinan di e wesnan.

Den kaso di Golovkin, esaki tambe lo uza e mesun fórmula, ya ku e último aki lo bai usa e glupsnan di marka Grant, manera e la hasi den su último peleanan, i por lo tantu no tabatin kontratempu ku esakinan despues ku nan a keda entrega na outoridatnan di  Las Vegas.

Tur kos a kuminsá ora e “ team” di  Gennady Golovkin a pidi e Komishon Atlétiko di Nevada pa e no permití glupsnan di  “No Boxing No Life”  di kua e bòksdó mehikano tabata pretendé di bai uza 15 di sèptèmber próksimo den nan duelo di desempate.

E glupsnan No Boxing No Life di kende Canelo a bini ta usando den su kampamentu di training i di kua e marka ta un proyekto personal di  su entrenadó Eddy Reynoso, a bini ta keda uza kaba riba teranan mehikano den algun karteleranan, i tambe e torneo amatùr yama Kopa Guadalajara ku porsierto na unda ta partisipá un kantidat di 500 bòksdó di nuebe estado dje Repúblika mehikano.

Pero tur kos ta indiká ku e glupsnan traha na Mexico lo no por hasi nan debut riba e fecha di 15 sèptèmber na Las Vegas.

Na sèptèmber aña pasá ora ku nan a empatá den 12 rònt,  Álvarez (40-1-2, 34 KOs) i Gennady Golovkin (37-0-1, 33 KOs) a yena un total di  22,358 fanátiko den  T-Mobile Arena, i a produsí e mió takia den historia di bòkseo profeshonal  na Las Vegas despues dje pelea Mayweather vs Pacquiao, na unda nan a rekoudá un total di 27 mion, 59 mil 850 dòler.