Kòrsou ta tuma parti den akshon di limpiesa mundial

2000 persona a inskribí pa partisipá den “World Clean Up Day”

182
Tin 47 área di kordinashon rònt Kòrsou, pa e akshon aki i djasabra último e kordinadónan di e 47 área nan aki a reuní huntu ku e organisashonnan di e voluntarionan.
Willemstad,– Resientemente tabatin un rueda di prensa kaminda ku ministernan a splika di e asina yama World Clean up Day.

T’asina ku huntu ku 150 otro pais rònt mundu, Kòrsou tambe ta tuma parti na “WORLD CLEAN UP DAY “, 15september próksimo.  E meta di e dia aki ta pa mundialmente limpia masalmente i pone enfoke riba e problemátika di sushi. Na Kòrsou mas ku 2000 persona  a inskribí komo boluntario pa djasabra awor partisipá na e akshon mundial aki, i di e forma aki duna un man pa limpia Kòrsou i hasié mas bunita.

Tin 47 área di kordinashon rònt Kòrsou, pa e akshon aki i djasabra último e kordinadónan di e 47 área nan aki a reuní huntu ku e organisashonnan di e voluntarionan.  Den un ouditorio di Selikor kompletamente yen, e organisashonnan a haña informashon i teps, pa yuda prepará debidamente pa djasabra 15 di sèptèmber benidero.

Inskripshon i partisipashon ta posibel ainda

Inskripshon ofishal e sera pa e organisashon di World Clean up por organisá tur aspekto logístiko nesesario i kordiná ku tur grupo di boluntario ku a inskribí pa asina djasabra próksimo  ta un éksito. Si abo ke partisipá i bo no a inskribí ainda hasi esaki mas pronto ku ta posibel pa por evaluá na unda bo aporte ta di mas nesesidat. inskribí awe mes na  www.worldcleanupcupdaycuracao.org