Relashoná ku World Clean Up Day djasabra awor

Aporte i sosten total di ministerionan di SOAW i GMN

46
Na Kòrsou mas ku 2000 persona a inskribí komo boluntario pa djasabra awor partisipá na e akshon mundial aki, i di e forma aki duna un man pa limpia Kòrsou i hasié mas bunita.
Willemstad,– Relashoná ku e dia mundial di limpiesa e organisashon di World Clean Up day na Kòrsou,ta sumamente kontentu di por konta ku e aporte i sosten di  e Ministernan en general i muy en partikular di e ministerionan di SOAW i GMN .  Tambe e organisashon ta kontektu di por konta tur aña ku e kompanianan ku semper ta duna nan sosten manera, Antillean Scrap; Chogogo; CWM/JaJo; Diesel; Dijktransport; Ennia; Kooyman; MCB; Papagayo; Selikor; TrustMoore i Zanzibar.

Pa tur partisipante di e akshon , “Clean Up” ta organisá na  88 Beach Club na Pietermaai un  ‘Afterparty’ for  12 or di mèrdia, inmediatamente despues di e limpiesa.

Tras di kortina e siguiente  kompania i òf organisashonnan huntu ku esnan ya kaba menshoná tambe ta duna nan aporte,  Clean Caribbean Coalition; Coca-Cola Curacao; Curacao Cares; Curious2Dive; Federashon Otrobanda; Maarten Schakel; MRC i Raoul Hoofdman.