Realmente e Fastest Mobile Network!

Digicel ta risibí ‘Speedtest Award’ pa merkado di Kòrsou

2127

WILLEMSTAD: Digicel Curaçao a risibí e Speedtest® Award’ pa Kòrsou. Di akuerdo ku e resultadonan for di e Speedtest analisá dor di Ookla®, Digicel tin e ‘fastest mobile network’ na Kòrsou. E rekonosimentu aki ta premia Digicel su kompromiso pa duna e konsumidó e spit di mas haltu i ta afirmá su lema ‘Curaçao’s Fastest Mobile Network’.  

“Na desèmber 2017 nos a aktualisá nos ret pa LTE i a bin ta ofresé usuarionan di Digicel un spit super lihé, modèrno i  efisiente- inigualabel den nos merkado. Nos ta masha kontentu ku e rekonosementu aki. E lema #LiheLiheTa, nos embahador Usian Bolt, i awó e rekonosementu di  Ookla® ta duna kontenido na nos esfuersonan. Mi ke felisitá nos tim tékniko ku e award importante aki”, esaki di akuerdo ku sr. Kevin Kelly, Digicel Curaçao CEO.

Tokante Digicel LTE:
LTE ta nifiká pa usuarionan di Digicel, no mas ‘buffering’ i wardamentu miéntras un página ta habri.  Digicel a komprometé na ofresé un streaming rápido, tambe ora di manda mensahe i habri kualke página riba internèt- i a kumpli ku esaki. Usuarionan di Digicel tin plaser ora stream videonan riba un smarphone, tablet òf kualke aparato elektróniko ku ta hasi uso di internèt. Mayoria kliente di Digicel tin un telefon ku ta kompatibel ku LTE; nan ta disfrutando kaba di e spit di mas haltu na Kòrsou. Klientenan ku no tin SIM òf telefòn kompatibel ku LTE por akudí na Digicel i kambia esaki pa unu ku ta ‘LTE friendly’ – kambio di e SIM ta grátis!  *Tur telefon ku wòrdu kumprá na Digicel ta kompatibel ku LTE.

E spit di mas haltu; lihé lihé ta!
Digicel a risibí un Speed Score™ di 38.27, ku un averahe di 40.98 Mbps pa download i 13.63 Mbps pa upload, riba tur aparato.  E data ta keda kompilá dor di tèstnan inisiá pa e konsumidó riba plataformanan di Speedtest® mobil. Tur proveedor na Kòrsou a keda representá den e análisis di e resultadonan ku un volúmen signifikante di tèst rònt Kòrsou.  E tèstnan ta konfirmá ku Digicel tin ‘Curaçao’s Fastest Mobile Network’. E resultadonan di e Speedtest® a keda analisá dor di Ookla® durante e promé i di dos kuartal di 2018. Speedtest® ta e prueba primario pa midi spit di internèt/ ret.

Kriterio, kuota di merkado, entidatnan eligibel:
E ‘Speedtest’ Award™ ta keda otorgá na tantu ISPs i proveedornan mobil rònt mundu unabes nan keda determiná dor di Ookla® komo un di e proveedornan den nan merkado. Proveedornan ta risibí un lisensia ofisial pa uso di e lema ‘Fastest Mobile Network’. Ganadónan di e award ta keda determiná usando metodologia di Ookla® ku ta analisá resultadonan di e Speedtest®. E Speedtest® Award™ ta basá riba data kolektá durante 6 luna, esaki pa motibu ku e fluktuashon por tin impakto signifikativo pa e resultadonan, pesei ta midi konstantemente.  Tur Speedtest® Award™ ta mará na un ubikashon spesífiko. Tambe, ta evaluá tur ret fiho i mobil ku ta konfirmá aktividat di servisio di Internèt den un region spesífiko.

“Durante di e último añanan Digicel a invertí hopi den teknologia aki na Kòrsou. Nos ta kontentu di risibí e ‘Fastest Mobile Network Award’ i ta komprometé di sigui kambia e manera kon konektividat ta wòrdu eksperensiá den nos merkado. Mi ke gradisí tur nos klientenan pa skohe Digicel komo nan proveedor. Tambe, un pabien na nos personal ku e rekonosementu aki.  Komo kompania di télekomunikashon i proveedor di entretenimentu total nos lo sigui garantisá e spit LTE di mas haltu pa download músika, pelíkula i streaming di eventonan bibu.” ,” asina sr. Kevin Kelly, Digicel Curaçao CEO a finalisá.