Djabièrnè 28 di sèptèmber ta bai bira nochi di historia

110
E ta den gran forma na e momentu nan aki.
WILLEMSTAD,—-28 di sèptèmber ta bai bira un dia grandi den nos farándula lokal, paso riba e dia en kuestion lo bai tin un fiesta den VIP Club kaminda ku pa promé biaha den e sitio ya menshoná lo bai tin artista nan Latino so ta bai kombiná ku otro.

Ta trata aki di artistanan manera Gigo Martinez, Tony Conga i Felito i su 6to Sentido. Pues esaki ta bai bira un anochi kaminda ku 100% e parti musikal lo bai ta dediká na Latino so. Mester bisa ku e hóben artista kantante Gigo Martinez ta den gran forma na e momentu nan aki.

Tambe nos tin ku bisa ku tantu Felito i su 6to Sentido i Tony Gonga ta move regular den nos farándula lokal. Esaki ta loke ku ta hasi e anochi di 28 di sèptèmber mas i mas interesante di VIP Club. Kòrda ku esaki ta bai bira e promé biaha ku e kombinashon di Latino aki ta bai topa ku otro den VIP Club, i nos tin ku bosa aserka mes ora ku lo bai tin algun sorpresa mas riba e anochi en kuestion.