Piesa nobo di TUNE kanta pa Tico Libiee

222
For di ayera su piesa nobo a kuminsá zona na diferente radio

WILLEMSTAD,—-For di ayera e legendario kantante Tico Libiee a pone su piesa di mas nobo riba merkado, titulo di su piesa ta “Loke mi mester”, ta trata aki di un komposishon di “Dan Dan” miéntras ku Url Isenia ta traha riba e idea di areglo i Gedion Chandler ta esun ku a areglá e piesa, mas ku klaro esaki a keda graba ku agrupashon musikal TUNE.

Mester bisa ku djasabra tras di lomba agrupashon musikal TUNE tabatin un super bon presentashon den Club CONGA den Saliña. I ayera den ora nan di mainta ya diferente radio emisora a haña e piesa nobo di Tico Libiee, pa asina nan por presentá esaki.

Otro bon notisia ta ku TUNE ta den festival di Tumba i tambe nan ta den marcha di karnaval ku e grupo di Karnaval nobo “E He He” ku por sierto djadumingu awor nan ta bai presentá nan diferente traha nan ku nan ta bai marcha kuné, pues abo tambe por yama na bo radio emisora preferí i pidi e piesa nobo di Tico libiee “Loke mi mester”.