100 mil florin pa konsolá turistanan agredí

10857
Mayoria turista atraká na Kòrsou tin di sigui hasi orashon te dia Parlamento atendé e problema den reunionnan públiko.
PUNDA—Mas di 100 mil florin ta wòrdu gastá pa Ofisina di Turismo di Kòrsou, pa konsolá turistanan agredí na Kòrsou. Den un publikashon di Vigilante ayera, a keda konfirmá ku miembronan di Parlamento no tin niun atenshon pa atendé e problemátika. Te ku yüni 2018, mas di 20 kaso serio di agreshon kontra di turista a tuma lugá na Kòrsou. Esei ladronisia simpel te atrako brutal.

 

Ofisina di Turismo, tur dia tin di atendé ku insidentenan ku turista na Kòrsou. Pa años a instituto ta gritando pa gobièrnu oumentá invershon den un mihó struktura di vigilansha, pero esei no ta sosodé. Aktualmente, aki aya tin vigilansha na atrakshonnan turístiko. Esei no ta sufisiente. Na e momentonan aki, CTB ta gastando mas di 100 mil florin anual  pa konsuelo di turistanan atraká, hòrtá, agredí òf maltratá físikamente. Ta trata prinsipalmente gastunan di kompensashon den forma di sèn, estadia, konsulta médiko, alimentashon, pasashi di regreso i tur otro tipo di gastu ku CTB mester kubri.

Hopi turista ku wòrdu atraká, ta wòrdu atendé pa Politur pero despues ta bai warda ku nan pa duna keho. Den mayoria okashon e keho no ta resultá den solushon p’e turista, kende ta deseá di simplemente bai bèk su kas. E organisashon di CHATA no ta kontribuí ku e gastunan.