Balentina ta ninga di a tira i ta bisa ku no por kastig’é paso e ta víktima

El a bisa ku ainda e tin molèster di e tiru ku el a risibí....

427
WILLEMSTAD,— Ayera a trata e asesinato dilanti Spoonz ku a tuma lugá 25 di yanüari último, unda e hòmber Celio Balentina tabata dilanti wes.

 

El a bisa ku e ta spera di bai kas mirando ku den e kaso aki ta víktima e ta, despues ku e tabata ku fakansi aki na Kòrsou. El a bisa ku a tira su amigu i awor e ta ku tambe ta víktima den e kaso, ta será inosentemente. Na polis e sospechoso a bisa ku e tabatin arma di kandela, pero a tira bèk pa defendé su mes i no keda matá. Ayera e tabatin un otro deklarashon unda el a splika ku el a deklará esei mirando ku e no kier a sali eifó paso e no sa ken a tira su amigu.

El a bisa ku e no sa ta ken a tira su amigu pues e no kier a riska kana eifó. Celio a bisa wes ku ta pa esaki el a deklará esei. Durante e kaso ayera por a mira grabashon di e suseso kompletu, unda por mira kon Balentina ta sali kore manera el a bisa, pero no por mira ku el a tira. Tampoko por a mira Laker tira, miéntras Statie si a keda grabá na momentu ku e ta tira, unda despues el a kore bai kai, debí na bala ku el a risibí. E sospechoso Balentina a bisa wes ku e ta será inosentemente i ku ta kas e kier bai.  Tambe el a bisa ku ora el a keda tirá el a bai hospital. El a splika ku e no sa nada di e destrukshon na e outo, despues ku a puntr’e ku te a manda su amigu nan kibra e outo pa kue arma. Fiskal a pidi un kastigu di 12 aña pa e sospechoso, unda 3 di Òktober próksimo lo dikta sentensia den e kaso aki.