Hòmber detené pa maltrato di dama na Van Goghstraat

169
JONGBLOED- Sentral di polis a risibí informashon di un kaso di maltrato ku tabata tumando lugá kaminda un hòmber mester tabata maltratá un dama na Van Goghstraat. Na yegada di un agente polisial na sivil esaki mester a tuma nota kon e hòmber aki mester tabata tin e dama choka i no tabata ke lag’é bai.

 

E agente polisial aki mesora a pidi yudansa mirando ku e hòmber aki tabata desidido i no tabata ke a laga e dama bai i asta tabata tin indikashon ku e hòmber aki mester ta tin un arma di kandela den su poder. Despues ku mas unidat a yega na e sitio a logra di dominá e hòmber pa por a hasi detenshon di dje  mirando ku e mester a maltratá e dama i tambe menasa e agente polisial ku e ta tira esaki. Polis ku a yega na e sitio a detené e hòmber i bai listra den un vehíkulo. Den e vehíkulo a bin topa ku dos kuchú, den kual esakinan a keda konfiská. E dama ku a keda maltratá pa e hòmber tabata basta spanta i a bai warda di polis pa pone su keho pa maltrato i tambe ku e hòmber tabata ke bai kuné for di e sitio fuera di su boluntat. Tambe a konfiská e vehíkulo ku e hòmber tabata move aden. Investigashon den e kaso ta kontinuá.