Mas di 25 piesa Kings Of Hits den WTC

85
E tambe ta den e mega fiesta ku ta tuma lugá dia 30 di novèmber awor.
WILLEMSTAD,—-Dia 30 di novèmber ta bai bira históriko den nos farándula lokal, kaminda ku riba e dia en kuestion algun kantante ku den pasado a yega di kanta komposishon nan i areglo nan di Quincy Comenencia, Dwight Leoneta i Derrel Titi De Palm ta bai presentá e piesa nan den W.T.C.

Ta trata aki di e fiesta ku ta bai karga di nòmber “Kings of Hits”. Nos tin informashon ku ta trata aki di algun kantante ku a yega di forma parti di NSTY PLAY, Cache i Buleria. Esaki ta nifiká ku hinter e anochi ta hit tras di hit ta bai zona den W.T.C.

Pa loke ta trata e parti musikal esaki lo bai ta den man di  Quincy Comenencia, Dwight Leoneta i Derrel Titi De Palm, no tin duda ku e anochi di 30 di novèmber lo bai bira un anochi hopi interesante, paso ‘E Mulina’, tin informashon ku pa e anochi en kuestion e tres músiko nan ariba menshoná ta bai harma un agrupashon musikal pa kompaña diferente kantante ku den pasado i te na e momentu aki a yega di presentá nan piesa nan.

Tambe nos tin informashon ku den e fiesta en kuestion lo bai tei un kantante ku na e momentu aki tin un hit duru pega, ta trata aki di un kantante ku tin basta aña sin a presentá den nos farándula lokal. Nos tin informashon ku dia 26 di òktober lo bai tin rueda di prensa kaminda ku e tres artista esta Quincy Comenencia, Dwight Leoneta i Derrel Titi De Palm ta trese mas informashon dilanti.