Quillan Barkmeyer a lanta su mes un agrupashon musikal

198
10 di òktober su banda ta hasi debut.

WILLEMSTAD,—-Farándula di Kòrsou dia 10 di òktober ta bai konosé otro agrupashon musikal nobo. Ta trata aki di un banda den ámbito di Come-back ku tin e músiko kompositor areglista Quillan Barkmeyer na Kabes, nòmber di e banda ta “Tan Ten”.

No tin duda ku e moveshon aki ta bai bira hopi interesante den ámbito di Come-back. Nos tin informashon ku e formashon musikal ta para pa move 1 pa 3 biaha pa luna, i tambe den okashon nan spesial, tambe nos tin informashon ku tur e dia nan aki e banda nobo ta den full preparashon.

Tambe nos tin informashon ku e agrupashon musikal nobo ta den studio di grabashon, i ku pa otro siman mes nan ta manda un piesa nobo na tur radio emisora lokal. Mester bisa ku e banda “Tan Ten” ta forma pa nuebe músiko i nan ta kla pa trese músika riba un nivel haltu.

E agrupashon musikal ta forma pa e siguiente músiko nan. Quillan Barkmeyer Keyboard Direktor musikal, Roland Koffie riba piano, Henkey Djaoen riba Bas, Juni trinidat riba Conga, Shoti riba bongo i kampana i Tonchi riba timbal, e tres kantante nan ta Tom Zimmerman, Mr.Icho i Oswin Bruken esaki ta e nuebe músiko nan ku ta forma parti di agrupashon musikal “Tan Ten” ku ta hasi nan debut dia 10 di òktober awor. I nos mester bisa ku nan ta hasi nan debut presentando nan CD nobo ku sinku piesa.