Rushemy Botter nombra komo Direktor di kas di moda Nina Ricci

3052
Otro yu di Kòrsou ku logro grandi.
WILLEMSTAD,—-Ayera durante dia a drenta e bon notisia ku e yu di Korsou Rushemy Botter a bira Direktor di e famoso kas di Moda Nina Ricci. Ku e nombramentu aki e hóben talentoso diseñadó, e yu di Kòrsou ta bira e sensashon mundial den mundu di diseñadó nan internashonal.

E revista mundial mente konosí den mundu di moda WWD-Women’s Wear Daily a anunsiá den un Breaking News ku Rushemy Botter a bira Direktor di e famoso kas di Moda Nina Ricci.  Mester bisa ku Rushemy Botter ta un diseñadó di trahe maskulino kende a studia i gradua Cum Laude na Koninklijke Academie van Schone Kunsten na Antwerpen Bèlgika, bou di guia di Walter van Berendonge.

Durante di e anochi di graduashon na Bèlgika Rushemy a sa di gana e sinku premionan ku tabata disponibel inkluyendo e premio máksimo di “Dries Van Noten Award” pa su Mastercollectie. Den su diskurso e famoso diseñadó mundial mente konosí Dries van Noten a rekonosé e talento di Rushemy i a bisa ku e la gusta e su kolekshon i ku e lo bira un famoso i tremendo diseñadó.

Rushemy a risibí un invitashon di VFILE pa presentá su Mastercollectie na New York Fashion week kaminda e la debutá i alabes a sa di kapta atenshon i risibí hopi elogio di manera entre otro Naomi Cambell, Jerry Lorenzo, kantante Rihanna, stylist Mel Ottenberg, Virgil Abloh i rapper Young Thug kende durante di e show tabata bisti den un di su outfit nan. Durante ku e modelonan tabata show e kolekshon di Rushemy e rapper Young Thug a subi e runway p’asina demostrá apresio pa Rushemy i su kolekshon.    E famoso Ellen DeGeneres di programa di televishon “The Ellen DeGeneres Show” a pone atenshon I presentá algun di e famoso diseño nan di Rushemy durante e famoso New York Fashion Week.