Tom Zimmerman Mr Icho i Oswin Bruken ta den mes un kas

239
Tres kantante ku a hasi historia den nos farándula lokal.

WILLEMSTAD,—-Nos a bin ta bisa na diferente okashon ku farándula di Kòrsou ta birando mas i mas interesante. Di informashon ku a drenta na mesa di redakshon di ‘E Mulina’, ta bisa ku tres kantante ku a hasi historia den nos farándula ta huntu bou di mes un dak.

Ta trata aki di Tom Zimmerman, Mr.Icho i Oswin Bruken. Nan tres ta forma parti di e agrupashon musikal nobo den ámbito di Come-back ku ta karga di nòmber “Tan Ten”, mester bisa ku e banda nobo tin komo direktor musikal Quillan Barkmeyer.

Nos tin informashon ku e tres kantante nan ta den studio di grabashon i ku dia 10 di òktober ku ta e dia ku e banda ta hasi su debut, nan ta bai presentá sinku piesa nobo. Esaki ta nifiká ku tur e dia nan aki tin trabou nan duru ta tumando lugá den seno di e agrupashon musikal nobo. ‘E Mulina’, ta deseá e tres kantante nan éksito den nan banda nobo.