Canelo: “Golovin no tin “webu” sufisiente pa bisa e kosnan ku e la trese dilanti”

98
Fot canelo: Canelo Alvarez for di djarason ofisialmente ta MGM Grand Hotel na unda e la papia ku medionan di komunikashon ku tabata presente, i tabata nan dilanti ku e la eksplotá dirèkt kontra di e Golovin. “ Golovin” tin sufisiente webu pa bisa tal kos”.

 

 

LAS VEGAS, –  Rabia pa deklarashonnan realisá pa e kazaho, Gennady Golovkin, e bòksdó  mèksikano, Saúl “Canelo” Álvarez, ta sigur ku tur e obra aki a bini dje entrenadó Abel Sánchez, ya ku segun e mehikano  GGG no tin balor pa bisa tantu kos asina.

Canelo  a yega djarason  di manera ofisial MGM Grand Hotel i papia ku medionan di komunikashon ku tabata presente,  i tabata nan dilanti ku e la eksplotá dirèkt kontra di e  Golovin.

“Mi ta kere ku e palabranan a bini di  Abel (e provokashonnan), ya ku Golovin mes no tin sufisiente “webu” pa bisa e kosnan aki òf ni sikiera pens’é”, asina Saúl a duna di konosé.

I aunke  e no sa pakiko nan a bisa tantu kos asina, sigur pa e hecho ku Canelo a tèst pa un kantidat mínimo clembuterol, e bòksdó mehikano a duna di konosé ku e ta hopi rabia ku e kos aki i ku djasabra nan komprobá esaki riba rin.

“Mi no sa pa kiko e ta hasié, di tantu kos ku e la bisa ku ya mi no sa pa kua mi hari òf rabia pe, nos ta kasi dilanti dje pelea, e lo bai mira kiko ta pasá,  ademas di reiterá ku nan tabata ke pa rabia, awèl nan a logr’é”.

“Pero esaki no kemen si ku mi no ta bai sali hasi mi trabou, lo ta un peliger subi pa e pelea ku kabes kayente,  òf ku otro idea, mi ta kere mi tin eksperensia i mi ta bai usa esaki na mi fabor, ku e gananan ku mi ta bin kuné aki i ku inteligensia, lo mi gan’é sigur”, asina Canelo a duna di konosé.