Fulham di Jokanovic a impreshoná Guardiola

71
Fot pep: Pep Guardiola basta impreshoná ku e wega di Fulham di kua nan mester awe den partido bálido pa e kampeonato di Premier League.

LONDON,  – E manager di Manchester City, Pep Guardiola, a sigurá ku e ta basta impreshoná pa e wega ku ekipo di   Fulham  dirigí pa e manager Slavisa Jokanovic a bini ta desplegá.

Ámbos ekipo lo topa awe den partido ku lo tuma lugá den  Etihad Stadium, porsierto partido bálido pa Premier League despues dje fechanan internashonal di FIFA ta tras di lomba.

“Normalmente ku  partidonan kada tres dia mi no ta haña tempu pa mira nos rivalnan,  pero e biaha aki si mi por a mira tres partido di nan i mi a keda sorprendé pa nan bon wega.  Mi ta hopi impreshoná i awor mi ta komprondé dikon nan ta den Premier League”, asina Guardiola señalá.

E sistema futbolístiko di ámbos ekipo kompará ta basta komparabel, sigur pa loke ta posishon di bala den un liga manera  Premier League.