Canelo Álvarez parse ke bringa na desèmber próksimo pero no kontra di “ GGG”

108
Fot canelo: E bòksdó mehikano, Canelo Alvarez, a duna di konosé ku tur kos ta dependé di su dòkter ku e lo bringa na desèmber próksimo, ya ku e la risibí seis ganchu na su kara despues di e pelea kontra Golovkin.

 

LAS VEGAS,  – “Mi ta kere nan a pone un seis ganchu p’ami na mi kara, nos lo wak kiko e dòkter lo bisa”, asina Canelo Alvarez a bisa tokante un posibel pelea na  desèmber próksimo, inkluso na unda nan a duna di konosé ku David Lemieux ta e posibel rival.

Aunke mester apuntá ku e pelea lo no bai ta bou di señal di  HBO, esaki segun akuerdo di e promotor  Óscar de la Hoya.

Álvarez a derota Golovkin pa desishon mayoritario na unda e la kita e títulonan di Konseho Mundial di Bokseo i dje Asosashon  Mundial di Bòkseo for di e kazaho.

E mehikano a superá  Gennady Golovkin pa desishon mayoritario pa asina konkista e título mediano unifiká, i posiblemente obligá pa bini ku un di tres pelea.

Den entrevista eksklusivo ku ESPN, Saúl, a rekonosé ku GGG ta un rival hopi duru, i aunke e la buska e nòkout e no tabata por a logra esaki. Pero esaki no por a evitá ku e ta keda konsiderá komo un dje triunfonan mas grandi di su karera, ya ku ta poko hende tabata pensa ku e lo a sali viktorioso den e di dos pelea  kontra di Golovkin.

 

E suidat di pika a bolbe vibra despues ku e dos boksdonan a duna un gran bataya, despues ku e dos mió peso medionan di aktualidat a topa otro den rin na MGM Gran Hotel na Las Vegas.

20 spesialista despues  ku e pelea entre  Saúl “Canelo” Álvarez i Gennady Golovkin a finalisá, a koinsidí ku e duelo  T-Mobile Arena na Las Vegas tabata hopi pareu.

Di nan tur  ocho a mira “Canelo, ganá, i seis a mira Golovkin ganá, miéntras ku otro seis a mira e pelea komo un empate. Tur ku kos nos a ripití aki pa nos lektornan ta guia na un kaminda. Pelea lll entre e aktual kampeon mehikano “ Canelo” Alvarez kontra di “ GGG” Golovkin lo no tarda pa keda anunsiá.