Danki na tur boluntario!

Digicel tambe a duna su aporte durante World Cleanup Day!

1122
WILLEMSTAD:  Djasabra último Digicel tambe a duna su aporte na World Cleanup Day. Huntu ku un tim bon animá a partisipá na e akshon di limpiesa den área di Coronet. Den esaki a risibí aporte balioso di 25 boluntario, embahadornan di Digicel i e propio habitantenan di e área.

 

 

A kompañá e akshon di limpiesa ku diferente ‘post’ riba social media konsientisando nos komunidat riba e importansia di tene Kòrsou limpi i prinsipalmente pa limitá uso di plèstik.

E tim di Digicel ku a partisipá na World Cleanup Day mes tambe a usa hanskun ku no ta di plèstik, tampoko no a usa saku di plèstik pa benta e sushi afó, sino sakunan reusabel. Ademas di esaki, a sirbi kuminda den ‘shafers’ i no den material di plèstik.

Tambe a pidi tur miembro di e tim pa trese bestèk for di kas i asina limitá uso di plèstik einan tambe. A bebe awa i djus den bòternan resiklabel i a pidi tur hende bin ku nan tèrmu pa evitá uso di kùp di plèstik.

 Digicel ta masha kontentu di por a duna su aporte na un dia asina importante i ta spera ku nos komunidat por tene tur e áreanan ku a forma parti di e akshon di limpiesa limpi! Riba fotonan athunto un impreshon di e tim di Digicel trahando djasabra último na Coronet.