Douglas Costa ta eskusa su mes: “Bosnan loke e la bisami”

71
Fot douglas: E mediokampista di Juventus, Douglas Costa (R), a eskusa su mes despues ku e la skupi Federico Di Francesco durante partido ku a tuma lugá den wikènt último na Turín kontra di Sassuolo. Aki por mira e situashon.

 

TURIN,  – E mediokampista di Juventus, Douglas Costa, a eskusa su mes despues ku e la skupi riba un rival durante partido ku a tuma lugá den wikènt último na  Turín kontra di Sassuolo.

Costa a pidi pordon atraves di retsosialnan, na unda e la defendé su reakshon bisando ku su reakshon ta pa motibu di un komentario di  Federico Di Francesco den su direkshon.

” Bosnan no sa kiko e la bisami, asina e hungadó di Juventus a duna di  konosé”.

Den e mesun publikashon ku Costa ta pidi pordon, algun di su eks kompañeronan di kamerin tabata kera mustra nan apoyo i na komentarionan.

Ta e kaso di  Patrice Evra  di kende a skibié: “Bo sa ku e  símbolo di Juventus ta un zebra,  i no un spada. Ba diskulpa p’abo gesto pero e hendenan nunka no ta sa kiko e bisabu”, asina Evra a komentá.

E entrenadó di Juventus, Massimiliano Allegri, di su banda si a mustra ku e  ta hopi rabia ku e situashon na unda e la sigurá ku e sanshon ku e federashon di Italia lo bai imponé riba Costa lo  ta largu.

“Aunke e lo hasi nos falta, tòg e episodionan aki no por sosodé. Nos no mester kai den provokashon. Douglas Costa lo keda multa tambe”, asina e Direktor Tékniko italiano a duna di  konosé.