Prominente golfista spañó asesiná na Estádos Unídos

77
Fot Benjamin: E sobresaliente golfista spañó, Celia Barquín Arozamena, kampeon amatùr di Europa gòlf e aña aki i miembro dje selekshon di su pais, a keda asesiná na Estádos Unídos na unda e studia.
 

 

IOWA,  – E  sobresaliente golfista spañó, Celia Barquín Arozamena, kampeon amatùr di Europa gòlf e aña aki i miembro dje selekshon di su pais, a keda asesiná na Estádos Unídos na unda e studia.

Polis  a  deklará ku e kadaver di Barquín Arozamena a keda haña riba un kancha di gòlf na Ames, Iowa,  i ku nan a detené un hóben di 22 aña identifiká komo, Collin Daniel Richards, na unda a akus’é dje asesinato.

E  golfista ku tambe tabatin 22 aña tabata studia na e Universidat Estatal di Iowa i a keda elegí Deportista di Aña den e suidat ariba menshoná.

Deporte spañó ta di  luto i nos pensamentunan ta ku e  famianan, amigunan i kompañeronan di Celia Barquín. pic.twitter.com/jFVVOAfv1D

Polis a duna di konosé ku nan a risibí un yamada  ku a informanan ku nan a haña un saku ku artíkulonan di gol sin doño riba e kancha di Coldwater Golf Links.  A kuminsá investigá i no masha leu for di e saku  nan a bin haña e kadaver di e golfista spañó.

Ainda no a transendi e detayenan kon Barquín a muri i tampoko ku e tabata konosé Richards ku ta su posibel asesino.

E golfista spañó tabata studia  ingenieria sivil i tabatin karera briante komo golfista amatùr.  Kaso hopi lamentabel.