“ Pulga Atomico” i Dembélé a kaba ku PSV den Camp Nou

81
Fot lionel: Nos a mira hopi gol di tiru di Lionel Messi, pero esaki sin duna algun ta un mionan ku nos a mira di “ Pulga Atomico”. E kapitan dje ekipo Catalan a kòrtá ku paden di pia pa laga e kiper Zoet òf Zout sin niun klase di oportunidat.

BARCELONA,  – Un hattrick di  Leo Messi  i  un gol di  Ousmane Dembélé a duna Barcelona e promé triunfo den Champions League pa loke ta fase di grupo, despues di ganá e ekipo di Hulanda PSV  ku skor di 4-0.

Mester apuntá si ku ekipo di Eindhoven a duna mió wega ku e skor final a revelá.

E ekipo di Barcelona a bai a kuminsá e kaminda ku Messi a proyektá, esta di konkista  di nobo ‘Champions League’, ya ku e kapitan nobo a pone esaki komo e ophetivo prinsipal pa loke ta kompetishon  europeo  durante su promé diskurso promé ku e temporada aki kuminsá.

Esaki tabata su palabranan riba e dia en kuestion den Joan Gamper: ” Nos ta primintí di hasi tur kos posibel pa trese e kopa bunita i tan deseá den Camp Nou bek”, di kua a resoná tambe ayera den promé partido ku a tuma lugá ayera kontra di PSV.

E promé mitar tabata basta pareu, pero e dos mitar si e plantel di e mister, Ernesto Valverde, a dominá e enkuentro.

 

Kosnan Importante dje Partido:

 FC BARCELONA: Ter Stegen, Sergi Roberto, Piqué, Umtiti, Jordi Alba, Busquets, Rakitic (Arturo Vidal, 85′), Coutinho (Lenglet, 81′), Messi, Dembélé (Arthur, 83′) y Suárez.

PSV: Zoet, Dumfries, Schwaab, Viergever (Isimat-Mirin, 67′), Tasende, Rosario (Erick Gutiérrez, 82′), Hendrix, Pereiro, Bergwijn (Malen, 78′), Lozano i De Jong.

GOLNAN: 1-0, Messi (31′). 2-0, Dembélé (75′). 3-0, Messi (77′). 4-0, Messi (88′).

REFRI: Tasos Sidiriopoulos (Gresia). E la duna karchi hel na  Umtiti (2) (56′ i 79′)/Viergever (29′) i De Jong (77′).

INSIDENSIANAN: Partido Korespondiente den e prome hornada dje fase di  grupos di Champions League disputa den Camp Nou dilanti di  73.462  fanatiko.