Un biaha mas Real i Barca lo bai un duelo pa un hungadó

61
Fot frank: Frenkie de Jong di kende mitar Europa ta su tras, sali Eredivisie i bai un liga mas fuerte semper ta un stap grandi.
 

MADRID,  – E ekipo di Real Madrid lo ke despachá Barcelona pa loke ta e firma di e mediokamista hulandes  Frenkie de Jong.

Esunnan interesá den e De Jong lo no bai haña ganga i ta pensa ku ekipo di  Ajax lo por bai eksigí entre  70 a 75 mion euro pa  e talentoso mediokampista.

Den  zomer tras di lomba e ekipo di Amsterdam a ninga un oferta di  sinkuenta mion euro kaba for dje ekipo di Tottenham Hotspur.

E internashonal hulandes di  21 aña ku ta destakando ku e ekipo di  Amsterdam, a yama atenshon na ekiponan grandi di  Europa. Mester apuntá si ku e ekipo ku tabata mas serka di atkerí e servisionan dje hungadó tabata Barça, pero finalmente  Ajax a sera e kaminda.

 

E presidente dje ekipo blanku , Florentino Pérez, di su banda ta kombensí  ku e hungadó di  Ajax lo  por keda transferí den winter próksimo pa Santiago Bernabeu.