‘Apostel Balentina a papia dilanti 3 wesnan

Den promé instansia el a hasi uzo di derechi keda ketu...

1660
WILLEMSTAD,– E tratamentu di e kaso di Orlando Balentina  sigur lo ta interesante, mirando ku lo por tin sorpresa.

E akusado Balentina kende tin vários akusashon di kasonan inmoral den su kontra, lo mester responsabilisá su mes awor dilanti 3 wes den korte di apelashon. Durante tratamentu di pro forma di e kaso, wesnan a puntra e sospechoso ku lo e papia den su kaso, kual esaki por determiná kuantu tempu mester pa e tratamentu.

Abogado di e akusado mr. Blonk a bisa ku e no por kontesta esaki, mirando ku no a papia tokante e kaso ainda i ku por puntra Orlando mes tokante esaki. E akusado mes a bisa ku e no sa ku lo e bai papia i despues ku e konsulta ku su abogado pa papia tokante e kaso, esei lo bira konosí.

E tratamentu di e kaso aki lo inisiá mitar di 10 di mainta, unda esaki lo kaba te den ora nan di atardi.•