Orlando tabata pone víktima bebe píldora despues di su aktonan

11339
Balentina a papia ayera den korte.
WILLEMSTAD,– E víktima R. kende pa basta aña a sufri di aktonan inmoral na man di Orlando Balentina tabatin un deklarashon basta amplio den e ‘dossier’.

E víktima kende a bisa ku e aktonan a inisiá for di 11 aña a bisa den su deklarashon ku e no a haña edukashon seksual, miéntras Orlando tabata hasi manera e kos ta algu normal. Ku esaki e kier a bisa ku Balentina a probechá di e situashon unda e no a mustra e víktima nunka ku esaki tabata kastigabel pa lei.

Di otro banda, segun pastor, e víktima a keda 8 luna serka dje, pero esaki te na ora su tata mester a bai regla algun kos na Hulanda. El a bisa ku  nunka R. no tabata keda serka dje, pero tabata bin keda na su kas wikènt, 1 biaha òf 2 biaha pa luna.

El a  bisa ku e problema a presentá ora a bisa e víktima ku si bo no por ta ehèmpel pa e muchanan, bo mester bai for di aki. E víktima a bisa ku primeramente e akusado lo mester a trata na kita su paña di abou, unda e no tabata ke kual despues el a bisa e víktima ku e mester kita su paña di abou. Tabata aki ku e hòmber Orlando mester a mishi ku e víktima, unda el a trata na penetr’é.

A bin dilanti den e kaso unda e víktima ta bisa ku na vários okashon, huntu ku su kasá den outo e tabata para na botika, pa kumpra algun píldora pa e víktima bebe. E dama R. a bisa ku e ta sospechá ku e pulchi nan aki tabata ‘morning after pil’. Di otro banda e akusado a bisa ku esaki no ta kuadra ku realidat mirando ku e lo no por a para na niun botika kumpra nada sin duna kuenta i rason na su kasá.

Loke a hala atenshon den e kaso ta, ku despues di algun biaha ku Orlando mester a kometé e aktonan aki kontra e víktima R. El a hasi komo si fuera ta algu normal, unda e tabata bisa ku e ta bai kumpra algu bin ku e víktima, pa asina haña chèns di kometé su aktonan. E víktima a asta deklará ku Orlando a bai kuné na Playa Kanoa pa kometé su aktonan.

Esaki a sosodé for di temporada e víktima tabatin 11 aña te ku temporada e tabata kasi hasi 21 aña.