Willemstad— Polis mester a bai Luna Park Minimarket pa un kaso di ladronisia.

Un biaha mas gerente di Luna Park Minimarket situá riba Caracasbaaiweg a haña nan ta atendé ku e mesun tipo ku kada biaha ta drenta nan negoshi pa hòrta. Ya na vários okashon a splika e hòmber ku e no ta bon bini mas den e negoshi pero ayera un biaha mas e la logra di drenta den e negoshi. Ora ku a vigil’é a tuma nota ku e la hinka vários artíkulo den un tas ku e tabatin den su poseshon. A lag’é trankil i na momento ku a ripara ku e tabata kana Sali bai sin paga na  kahera a bai atendé kuné.  A logra di kita e tas for di dje unda den e tas a bin haña vários bòter nan di produkto pa laba outo. Mesora a pone para un banda i a yama polis.  manehadónan di e negoshi no kier a entrega un denunsia pero a laga Polis atendé kuné i a kita e produktonan for di dje.