Otrobanda—Un otro kompania ku awe por haña bishita di Aqualectra ta e hotèl Kura Hulanda. Einan por tin un debe di riba 3 mion florin na Aqualectra.
Kura Hulanda, último añanan ta luchando fuerte ku nan posishon di likides i pa paga gastunan operashonal. Apesar ku e hotèl ta sigui duna bon servisio na wéspetnan, nan problema ta sigui grandi. Den pasado, tabata negoshando ku un grupo kolombiano, pero esei no a logra konkretisá pa un tomo di operashon. Kura Hulanda ta sigui lucha pero awe si sèn no subi mesa na Aqualectra, nan koriente no ta yega pa sende niun erko den kamber.