Punda- Un kantidat grandi di kompania lokal, prinsipalmente esnan riba merkado doméstiko, ta konfrontando problema serio di likides. Pagamentu fin di luna di tantu gastunan komo personal ta un doló di kabes.

No tin niun otro konklushon sino ku ekonomia di Kòrsou ta den un derame kompleto. E situashon ta kousando oumento den desempleo bou di hóbennan. Kompanianan ta ninga kasi tur solisitut, prinsipalmente bou di hóbennan. Den korte di hustisia, mayoria hóben ku risibí kastigu ta pa motibu di atrako i ladronisia. Kasi tur ta splika wesnan penal ku nan no tin otro alternativa, despues di a kana rònt Kòrsou buska trabou.