Riba Helmin Wiels Boulevard na altura di edifisio di Aqualectra

Ekseso di velosidat ta kondusí na morto den tráfiko

304
Un bista di e vehíkulo i tambe e palu ku a dal kontra di dje.
Willemstad—–Ayera den oranan di anochi un hòmber ku tabata envolví den un aksidente den oranan di atardi a bin fayesé den kuido intensivo debí na e múltiple leshonnan ku e la sufri despues ku e vehíkulo ku e tabata aden a dal kontra un palu di palma.

 

Djaluna 8 di òktober 2018, alrededor di 16.55or di atardi, Sentral di Polis a haña notifikashon ku riba Pater Eeuwensweg tin un aksidente di tráfiko.  Na yegada di e patruya polisial el a bin topa ku un vehíkulo ku a aksidentá i un total di tres (3) herido. For di investigashon ku polis a hasi na e sitio a resultá ku debí na velosidat haltu, e shofùr a pèrdè kontròl riba su stür i a bai pega den un palu.

Ku ambulans a transportá tur e tres (3) víktimanan pa SEHOS pa tratamentu médiko.

Debí na múltiple leshonnan un di e víktimanan a bin fayesé despues.

Departamentu di Tráfiko ta kontinuá ku e investigashon. Di parti di Vigilante nos ta ekstendé palabranan di kondolensia na famia di e defuntu ku pèrdida di nan ser kerí.