3 karateka ta optené 5 medaya na Hulanda

117
Karatekanan lokal Overman (1) i Wederfoort (3), durante premiashon.

HULANDA—E hóben karatekanan Yu di tera, Jean Claud Overman i tambe Idar Wederfoort, a logra pa optené medaya durante di e fin di siman ku ta tras di lomba na Hulanda.

Esaki durante di peleanan bálido pa un kompetensia internashonal ku nan a tuma parti na dje.

Jean Claud Overman a logra 2 diferente medaya di Oro, miéntras ku Idar Wederfoort, a logra 2 di Bròns.

Ámbos karateka a destaká i logra premio tantu den nan kategoria, komo tambe den Open.

Miéntras ku un otro deportista Yu di Kòrsou mas, tambe a saka kara di nos isla. Ta trata aki di Denzel Leito, kende a logra pa optené medaya di Plata den su kategoria.

Tur esakinan na Veldhoven, Hulanda, unda Kòrsou tabata representá pa un delegashon, kual a konsistí di entre otro 3 atleta, kende tabata esnan ku tambe a logra regresá kas ku premio.