Kòrsou den sotano na Sürnam

155
FFK su selekshon futsal.
WILLEMSTAD—Nos selekshon nashonal di futsal di FFK, tabata na Sürnam durante di e último dianan. Esaki unda nan a partisipá den un torneo internashonal di futsal, durante di e periodo di 4 te ku 7 òktober 2018.

Ta trata aki di ekipo ku ta konta ku tékniko ‘Yubi’ Martis, kende a selektá e mihónan for di den e torneo di FFK-FIFA/Futsal 2018, unda tabata Centro Dominguitu, ku ta gana di Vesta den gran final di e torneo.

Miéntras tantu e selekshon lokal a realisá, meskos tambe ku e otro ekiponan partisipante 3 wega, unda tur 4 ekipo partisipante a enfrentá otro. Kòrsou a tèrminá e torneo aki, den sotano, komo e úniko ekipo sin punto, despues di sufri derota den tur nan 3 weganan realisá.

Primeramente tabata riba fecha di apertura na man di e ekipo di kas Sürnam 3-1. Den nan segundo kompromiso djasabra último nan ta sufri goliada ku skor di 10-1 na man di Guatemala. Miéntras ku riba e fecha final, buskando e terser puesto, nos representantenan ta keda kòrtiku, sufreindo otro goliada, ora nan pèrdè ku skor di 6-2, kontra di Guyana Franses.

Guatemala ta logra e titulo máksimo ku 3 triunfo pa 9 punto, lagando e ekipo di kas komo supkampion ku 6 punto, miéntras ku Guyana Franses a logra e di 3 puesto ku 3 punto.

Kòrsou a hunga 3 wega, pèrdè tur 3, anotá 4 gol i a risibí 19 gol kontra.