Selekshon di Boneiru ta kla pa Jamaica

167
Selekshon di futbol di Boneiru.
KRALENDIJK/WILLEMSTAD—E selekshon nashonal di futbòl, di e isla di Boneiru, ta kla pa nan segundo kompromiso bálido pa e kampionato di Nations League, organisá pa CONCACAF.

E wega aki, ta programá pa tuma lugá djadumingu benidero, dia 14 òktober 2018, pa 6’or di atardi, den Stadion Ergilio Hato na Kòrsou.

Miéntras tantu, despues di algun siman di preparashon, tékniko di e ekipo di Real Rincon, Robert ‘Oby’ Winklaar, kende ta enkabesá e kuerpo tékniko di e ekipo nashonal, a anunsiá su lista definitivo di 23 hungadó pa e partido aki.

Djaweps awó, dia 11 òktober 2018, pa kuartu pa 7 di anochi, tékniko ‘Oby’ Winklaar, huntu ku su staf tékniko, lo duna un konferensha di prensa na Klup Avanti (Antriol), pa dialogá tokante e último simannan ku nan a remplasá direktor tékniko Cristorri, kende ta den eksterior.

E delegashon di Boneiru lo biaha djabièrnè mainta trempan pa Kòrsou, pa sigui ku e preparashonnan aki i lo hospedá na Acoya Resort.

Tantu djabièrnè, komo djasabra, lo tin sekshonnan di práktika, den kuadro di e preparashonnan pa e wega kontra Jamaica.

E delegashon boneriano, ta konta ku Patrick Mariana, kende ta e ‘Teammanager’, miéntras ku DT ‘Oby’ Winklaar, ta konta ku Danielo Trenidad komo su asistente, unda tambe Alsy Anthony Sr. i Terrance Da Costa Gomez, tambe ta parti di e kuerpo tékniko.

 

Karchinan pa e partido aki lo ta optenibel, riba dia di wega, for di 3’or di atardi na e lokètnan di SDK. Preis ta fl.10,= pa adulto, miéntras mucha te ku 12 aña i 60+ ta paga fl.5,=.

 

E 23 hungadónan, repartí den 11 di Real Rincon, 3 di tantu Atlétiko Flamingo, Juventus, komo Estrellas, 2 di Vitesse i 1 di Vespo, kende nan ta forma parti di e selekshon, ta:

 

Kipernan:

Rishison Frans (Real Rincon)

Jurven Clara (Atlétiko Flamingo)

Raigel Molina (Estrellas)

 

Defensanan:

Igmard Gijsbertha (Real Rincon)

Robert Frans (Real Rincon)

Rilove Janga (Real Rincon)

Ilfred Piar (Real Rincon)

Keanu Hunt (Vitesse)

Leroy van Dongen (Real Rincon)

Jonathan Emerenciana (Juventus)

Terrence Trinidad (Vespo)

 

Mediokampistanan:

Lacey Pauletta (Real Rincon)

Edshel Martha (Atlétiko Flamingo)

Jerson Agostien (Estrellas)

Derrick Lugo (Estrellas)

Jermain Windster (Real Rincon)

Marnix Eustacia (Juventus)

Terrence Frans (Real Rincon)

 

Atakantenan:

Sergio Mercera (Atlétiko Flamingo)

Giovanny Janga (Vitesse)

Alsy Anthony Jr. (Juventus)

Yurick Seinpaal (Real Rincon)

Ayrton Cicilia (Real Rincon)