Gino van Kessel i Jarchinio Antonia bèk riba tereno

215
Jarchinio Antonia.
WILLEMSTAD—E futbolistanan Gino van Kessel i tambe Jarchinio Antonia ta bèk riba tereno. Esaki unda ámbos ya a kuminsá praktiká ku nan respektivo ekiponan.

Un ke otro despues ku Gino van Kessel tabata leshoná i no por tabata ku nos selekshon durante di e promé dos weganan di Nations League. Miéntras ku Jarchinio Antonia, pa motibu di leshon, no tabata presente djabièrnè último, den nos segundo partido, despues di tabata komo suplente den e promé i inkluso a bandoná banki di suplentenan basta rabiá.

Miéntras tantu ta konfirmá ku ámbos ta kasi kompletamente rekuperá, unda van Kessel ya ta praktikando ku su ekipo, miéntras ku Antonia, tambe ta moviendo sin doló i a djòin su ekipo.

Esaki ta pone ku nan tambe lo por bai ta riba e lista, for di kual tékniko Remko Bicentini, lo bai skohe su plantel, pa e wega di otro luna, ora Kòrsou hunga nan kas kontra Guadaloupe, den ámbos ekipo su terser wega di Nations League.